Siguiendo l’ancestral tradición d’enramar les fontes con motivu de la festividá de San Xuan, y col propósitu de poner en valor y caltener el patrimoniu etnográficu del conceyu, l’Ayuntamientu de Gozón organiza’l X Concursu de Fontes Enramaes.
Asociaciones vecinales, culturales y de muyeres participen cada añu nesta iniciativa engalanando con flores, cañes y elementos naturales fontes y llavaderos de les distintes parroquies, tresformándolos n’auténticos espacios d’arte popular. Pa facilitar el percorríu peles diferentes instalaciones participantes, l’Ayuntamientu pon a disposición de vecinos y visitantes un serviciu de baldre d’autobús.
