Plan de sostenibilidá turística en destín Gozón. Con vistes al norte del norte.
El Plan de Sostenibilidá Turística en Destín Gozón ye l’instrumentu estratéxicu que guía’l desenvolvimientu turísticu del conceyu dende criterios d’equilibriu territorial, competitividá y responsabilidá ambiental.
La so finalidá ye consolidar un modelu turísticu sostenible, alineáu cola identidá, el paisaxe y la realidá social de Gozón.
Como subidentidá integrada na marca turística Gozón, el Plan de Sostenibilidá Turística en Destín Gozón representa la so dimensión planificadora ya institucional. Ente que la marca proyecta’l destín, el plan define la fueya de ruta que guía la so evolución futura, garantizando coherencia, orde y visión a mediu y llargu plazu.
El lema «Con vistes al norte del norte» resume esta mirada estratéxica. Nun solo fai referencia a la posición xeográfica singular de Gozón, sinón tamién a una actitú: anticipase, planificar y avanzar con perspectiva. La sostenibilidá entiéndese asina como un compromisu estructural, non como un elementu accesoriu.
El Plan ta organizáu alredor de cuatro grandes exes:
Exe 1. Transición verde y sostenible: empobináu a l’adecuación de caminos ya infraestructures y a la restauración paisaxística d’espacios, obres y equipamientos.
Exe 2. Meyora de la eficiencia enerxética: persigue la meyora de la movilidá y caminabilidá del destín, y la contribución a la mitigación del cambéu climáticu.
Exe 3. Transición dixital: busca la meyora de los procesos al traviés del usu de la tecnoloxía.
Exe 4. Competitividá: comprende actuaciones pa crear y potenciar nuevos equipamientos nel destín y acciones venceyaes cola meyora constante de la xestión del destín.
