Información xeneral
Esta páxina web (d’equí p’arriba, “Sitiu Web”) ye propiedá de:
Conceyu de Gozón (Asturies)
Teléfonu:
+34 985 88 35 08
Fax:
+34 985 88 35 09
Corréu electrónicu:
informacion@ayto-gozon.org
Dominios del Sitiu Web:
http://www.ayto-gozon.org
Esti Sitiu Web foi creáu pol Conceyu de Gozón (d’equí p’arriba, el Conceyu), cola finalidá d’averar la institución a la ciudadanía, facilitándo-y información sobre la so estructura y funcionamientu, y ufiertándo-y la posibilidá de realizar trámites electrónicos col Conceyu.
Conteníu
La información qu’apaez nel Sitiu Web ye la vixente na fecha de la so cabera actualización. El Conceyu resérvase’l derechu d’actualizar, modificar o desaniciar dicha información, pudiendo llendar o nun permitir l’accesu a esti Sitiu Web. Del mesmu mou, resérvase la facultá d’efectuar, en cualesquier momentu y ensin avisu previu, cuantos cambeos y modificaciones estime convenientes.
Nun se considerarán publicidá engañosa los errores formales o numbéricos que puedan atopase a lo llargo del conteníu de les distintes seiciones del Sitiu Web, producíos como consecuencia d’un caltenimientu y/o actualización incompleta o defectuosa de la información contenida nesti Sitiu Web. El Conceyu, en virtú de lo dispuesto nesti apartáu, comprométese a correxilos tan llueu como tenga conocencia d’esos errores.
Términos y condiciones
L’accesu a esti Sitiu Web y a cualesquiera de les sos páxines supón conocer y aceutar los avisos llexales, les condiciones y los términos d’usu que figuren a continuación.
El Conceyu resérvase la facultá de modificar unilateralmente les condiciones y los términos d’usu d’esti Sitiu Web. Cualesquier modificación de los mesmos anunciaráse afayadizamente al traviés d’esta páxina y será efectiva dende’l momentu de la so publicación.
Usu lícitu
L’usuariu comprométese a utilizar esta páxina ensin incurrir n’actividaes que puedan considerase ilícites o illegales, que infrinxan los derechos del Conceyu o de terceros, o que puedan causar daños, inutilizar, sobrecargar o deteriorar el Serviciu, o impedir la so utilización normal.
En concretu y ensin calter taxativu, queda prohibíu:
- Cualesquier forma de vulneración de los derechos de terceros (derechu a la intimidá y a la propia imaxe, derechos de propiedá intelectual ya industrial, etc.).
- Realizar, emplegando los conteníos d’esti Sitiu Web, cualesquier tipu de publicidá, como l’unvíu de corréos electrónicos non solicitaos (spam) o comunicaciones asemeyaes.
- Introducir virus informáticos, ficheros defectuosos o cualesquier otru software o programa informáticu que pueda provocar daños o alteraciones non autorizaes nos conteníos o sistemes accesibles al traviés d’esti Sitiu Web.
Conteníos
L’usuariu tendrá d’ablucase d’obtener los conteníos utilizando medios o procedimientos distintos de los que se punxeren a la so disposición pa esti fin, de los que s’indiquen nesti Sitiu Web o de los qu’usen davezu n’Internet y, nesti últimu casu, siempre que nun entrañen un riesgu de dañu o inutilización del serviciu y de los sos conteníos.
Responsabilidá
L’usuariu será l’únicu responsable de les infracciones nes que pueda incurrir o de los daños y perxuicios que se puedan causar a terceros pola utilización indebida ya illegítima d’esti Sitiu Web.
El Conceyu nun será responsable de los posibles daños o perxuicios que pudieren derivase d’interferencies, omisiones, interrupciones, virus informáticos, averíes telefóniques o desconexones nel funcionamientu operativu d’esti sistema electrónicu, motivaes por causes ayenes al Conceyu; nin de retrasos o bloquéos nel usu del presente sistema electrónicu causaos por deficiencies o sobrecargues de les llinies telefóniques, sobrecargues nel sistema d’Internet o n’otros sistemes electrónicos.
El Conceyu nun garantiza la veracidá nin se responsabiliza de les consecuencies que pudieren derivase de los errores nos conteníos apurríos por terceros que pudieren apaecer nesti Sitiu Web.
Del mesmu mou, el Conceyu tampoco se responsabiliza de los conteníos, productos o servicios que puedan visualizase per aciu d’enllaces electrónicos (links), directa o indirectamente, al traviés d’esti Sitiu Web. Estos enllaces nun representen nengún tipu de relación ente’l Conceyu y los particulares o entidaes titulares de les páxines a les que dan accesu. El Conceyu resérvase’l derechu a retirar de mou unilateral y en cualesquier momentu los links qu’apaecen nel so Sitiu Web.
El Conceyu exímese de responsabilidá no que cinca a les “cookies” que terceros ayenos pudieren instalar nel discu duru del ordenador del usuariu, asina como de los errores tipográficos o inexactitúes que pudieren apreciase nos conteníos del so Sitiu Web.
Propiedá intelectual
Los derechos de reproducción, distribución, tresformación y comunicación pública d’esti Sitiu Web son titularidá del Conceyu. Tolos testos, diseños, conteníos, estructura, bases de datos, logos, códigos fonte y demás elementos del Sitiu Web tán protexíos pola llexislación y polos trataos internacionales vixentes na materia.
L’usuariu, única y esclusivamente, puede utilizar el material qu’apaeza nesti Sitiu Web pal so usu personal y priváu, quedando prohibíu’l so usu con fines comerciales o pa incurrir n’actividaes ilícites. Tolos derechos derivaos de la propiedá intelectual tán espresamente reservaos pol Conceyu.
Cualesquier esplotación de tol conteníu o d’una parte del conteníu d’esti Sitiu Web, realizada de cualquier forma o per cualquier mediu, electrónicu, mecánicu o d’otra mena, ta estrictamente prohibida ensin el permisu previu y por escritu del Conceyu. La infracción d’estos derechos puede dar llugar a procedimientos xudiciales, civiles o penales.
Navegación al traviés de les páxines del Sitiu Web
El Conceyu namái obtien y caltién la siguiente información sobre los visitantes del nuesu Sitiu Web:
- El nome de dominiu del proveedor que-yos da accesu a la rede (ISP).
- La fecha y la hora d’accesu al nuesu Sitiu Web.
- La direición d’Internet dende la que partió l’enllaz que dirixe al nuesu Sitiu Web.
- El númberu de visitantes diarios de cada seición del Sitiu Web.
- El restolador utilizáu pa visualizar el Sitiu Web.
Proteición de datos
Al traviés de la Sede recoyeránse datos de calter personal, siempre que resulte lícitu según l’artículu 6 del Reglamentu Xeneral de Proteición de Datos, yá seya col consentimientu de la persona interesada, nel exerciciu d’un poder públicu o nel cumplimientu d’una misión d’interés públicu.
Pue consultar aquelles actividaes que impliquen la comunicación de datos a otres entidaes nel Rexistru d’Actividaes. Con calter xeneral, los datos namái se comunicarán a otres Alministraciones en cumplimientu d’una obligación llegal, o a entidaes privaes como consecuencia del exerciciu d’una actividá o de la execución d’un contratu, y en tou casu asegurarase que l’encargáu del tratamientu cumple colo establecío nel artículu 28 del Reglamentu.
