Antroxu de Branu

Cada 14 d’agostu, les cais de Lluanco tresfórmense p’acoyer ún de los eventos más orixinales y multitudinarios del branu asturianu: l’Antroxu de Branu. Lo qu’entamó como una celebración popular consolidóse como una cita imprescindible pa miles de persones qu’escueyen la villa marinera pa disfrutar d’una xornada enllena de disfraces, música y diversión.

Demientres tol día, vecinos y visitantes enllenen de color el cascu urbanu con orixinales caracterizaciones y propuestes creatives, nun ambiente festivu que combina actividaes familiares, concursos de disfraces y animación nes cais. A midida qu’avanza la xornada, Lluanco conviértese nun gran escenariu al aire llibre onde la música, l’allegría y la convivencia son les grandes protagonistes.